G-Rex 3:0 擊敗 JT,前世界冠軍Toyz喜極而泣,終於再次挺進全球總決賽!

宅。上癮 於 23/09/2018 發表 收藏文章
昨日係台港澳LMS聯賽既最終日,由 J Team對上G-Rex Gaming進行最後既廝殺,兩隊最後一次交手既時候係夏季常規賽既加賽階段,當時由 JT 取得勝利後順利進軍季後賽,不過今日 GRX 勢不可擋,完全展現出上季時既態勢,直落3:0橫掃 JT 奪得區域資格賽冠軍。同時都將代表 LMS 以第三種子既身分,攜手 FW、MAD 兩隊前進南韓 S8 世界大賽。
(上季MVP PK在出國之戰中都打出身價)

G-Rex既戰隊總監正係我地香港人熟知既Toyz,佢賽後表示:「我們算是老八傳奇了吧,從第一輪幾乎全輸到第二輪幾乎全贏,不過可惜最後加賽輸了沒能進季後賽,而這次資格賽本來我是很沒信心的,但看到隊員首日對上 HKA 時狀態都很好,讓我們大家重獲信心,到今天比賽也是充滿信心。」
Toyz隔六年再返去世界舞台,但今次係以不同既身份再戰世界賽,佢話咁都令佢特別開心,因為咁就證明咗佢做教練同管理戰隊既能力。其實贏下今日既比賽唔單單只是搶下世界賽資格咁簡單,同時都代表著佢地一整年既努力冇白費,希望能藉著呢個機會比大家知道,即便佢地經歷咗低潮但都係可以從低潮入面爬返起身,希望喺之後既世界賽G-Rex可以繼承Toyz既精神,將別人眼中既不可能化為可能,小編喺呢到祝願G-Rex可以喺世界賽入面取得好成績。

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→