打機打到破健力士世界記錄係咩玩法XD,一齊睇下呢個男人係點做到~

宅。上癮 於 18/10/2018 發表 收藏文章
老一輩既人成日都話打機冇出色,但今日今日我地都知道可以靠打機嚟做到好多人哋做唔到既野,例如拎亞運冠軍啦,賺到平凡人一世都搵唔到既錢啦,仲有就係破健力士世界記錄~今日我哋既主角係一名來自巴林既玩家 Hakoom ,日前通過健力士世界記錄認證,成為世界上擁有最多白金獎盃既玩家。
喺上一年,呢位本名Hakam Karim既玩家就表示自己已經取得咗1,200 個白金獎盃。經過一年既時間,佢既白金獎盃數量已升至1,691 個,這意味著佢喺呢一年入面拎咗成500 個白金獎盃,亦都係表示佢平均每日都拎到1個以上既白金獎盃。而最近更加得到健力士世界記錄大全既認證,以1,691 個白金獎盃,成為PlayStation平台上獲取白金獎盃最多既玩家。
根據佢既影片,我哋可以知道,他會同時開多部主機,以縮短取得獎盃既時間。他更表示自己過去10 年,每日都投放10至20個鐘去打機,先取得如此成就。Hakam Karim今年34歲,早幾年佢係喺金融機構做engineer,不過後來就開始有人搵佢打機攞白金獎盃,佢話最平20美元一個又有,最多500美元一個亦有。嚟到依家有咗一定人氣,就喺YouTube出打機片,能夠將興趣變成自己既職業係一件幸褔既事,但佢背後都付出咗好多時間同心機,各位仲為理想奮鬥既青年人,加油丫。

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→