[世界大戰抹黑宇宙了]兩位前世界冠軍為由台上鬥到台下,由朋友變仇家?!

宅。上癮 於 12/09/2018 發表 收藏文章
話說最近各區季後賽都打得七七八八,正當我地以為電競界已經冇咩睇既時候,台服積分場卻不知不覺間發生咗一場腥風血雨,兩大主角分別就係前世界冠軍中路野獸—Toyz同上路帝王—STANLEY。
事源係咁既,係上個星期四,Toyz同STANLEY都係嗰日開直播,而STANLEY原本就定咗喺8點工商(即係賣廣告),而Toyz就選擇咗係八點開台,STANLEY於是就不滿,因為工商本來就會跌人數,再加上Toyz同時開台既話,人數會跌得仲勁,而最令STANLEY感到不快既係,佢其實事先有同Toyz私下講過叫佢遲開一個鐘,而當時Toyz係答應既,但最後佢並冇咁做到,反而仲要開台話「胖子台要工商囉~快來我這邊!」所以STANLEY就認定,Toyz係存心玩佢,所以就直接係直播上面同佢開火。
片段中可以見到STANLEY真係好嬲,仲要講到明「這才是我認識的椅子(Toyz),如果他會在乎你的話,他就不叫椅子了!」

而Toyz係當日既直播都表現出唔尋常既反應,可能係因為最近又同女友分手既關係,Toyz既情緒都有啲唔穩定,直播既期間直接回嘴STANLEY「是我這個朋友做的不夠貼心,我應該在他每次開台的時候就滾遠一點,我就出去討飯吃,我應該拿個碗去街上討飯吃的。」而之後,Toyz都提早關台。
事後Toyz有開台解釋返當日既事同佢地之間既衝突點,大約可以分為四個1)Toyz一早就答應觀眾8點開台,但STANLEY不知道,咁啱又撞正STANLEY工商,2)前幾天Toyz既標題定得好有問題,導致STANLEY以為Toyz要故意搞佢,3)Toyz將之前STANLEY要佢遲啲開台既要求當閒聊咁忘記咗,後來先發現STANLEY很重視呢件事,4)直播聊天室既觀一直為雙方傳話,導致兩邊心情都有點崩了。
唔知大家又點睇呢件事呢,又覺得呢件事上面係Toyz太不近人情定係STANLEY太小器呢?

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→