為咗自拍可以去到幾盡：HTC Desire Eye 精選

　　HTC 年年出機策略都有唔同，而今年就推出好多硬件近似嘅手機，雖然話就話近似，但其實每部部都有佢嘅賣點，而最近果部就係 HTC Desire Eye，又係一部叫各位讀者「大」開眼界嘅手機。要為 HTC Desire Eye 作出介紹好簡單，就係一部自拍專用嘅手機，如果經常會高炒自拍，又想入手一部新手機的讀者，記得要留意這部新機啦！
硬件一成不變
　　先講硬件，HTC Desire Eye 雖然係一部新機，不過硬件規格就認真唔算新，其實就同年初推出嘅 HTC One (M8)差唔多，CPU　或者內存記憶都無改變，意味話跑分之類應該都唔會有太大分別，對於追求硬件嘅讀者只會失望已回。如果要講唔同，就應該只有設計方面，尺寸加大到 5.2 吋 SLCD3 1080P 螢幕，金屬機身就改為啞光塑膠物料，值得一提嘅係支援 IPX7 防水規格，至於 BoomSound 雙喇叭就收得非常密實，配置係螢幕邊緣嘅夾縫內。


前置相機夠突出
不過硬件無改變又唔代表無賣點，今次 HTC Desire Eye 主打前置相機，擁有 1,300 萬像素再追加一個雙色溫 LED 閃光燈，直接咁講就係將後置鏡頭設計到前置鏡頭身上，所以用嚟自拍的話，基本上都會比其他手機出色。至於後置鏡頭亦無因為前置鏡頭關係而縮水，同樣配置 1,300 萬像素，因此按照理論，前後置拍攝出嚟嘅相片應該會同樣擁有一樣效果。


HTC Eye Experience
既然主打相機，當然係軟件方面都要好好更新一下功能啦！所以今次就連同手機一齊推出全新的 HTC Eye Experience，用作加強前置鏡頭的拍攝體驗，當中的功能以輔助為主，不過就非常豐富，包括現時已經非常普遍的雙鏡拍攝及即時美顏功能，亦都有人像對焦功能，另外仲加埋廣東話話音拍攝指令操作，唔洗下下要按快門鍵先可以即時拍攝啦！講開又講，Desire Eye 亦係少有快門實體鍵嘅手機，相對在拍攝上會比較方便。

短評
裝置的前置鏡頭非常突出，其賣點方向相當不錯，不過由於硬件只是原地踏步，在今時今日科技日新月異的時代，原地踏步就等同退步，再加上已有大量同規格手機登場，單以前置鏡頭作賣點的話，應該只能打動喜歡自拍的用戶入手了。