[K漫世界 - 龍珠Z - 最貼地的超級撒亞人 - 未來世界的杜拉格斯]

K漫說故事 於 01/01/2019 發表 收藏文章
喜歡此空間的同時, 也對FACEBOOK專頁讚好, 謝謝支持!
K漫說故事 - https://www.facebook.com/KCOMICSTORY/


撒亞人即使於龍珠嘅世界,本身已經好離地,實力強勁,仲要有面臨死亡後復活便有倍增功力嘅秘技。而杜拉格斯本身有著撒亞人王子比達作為父親,世界第一科學家/發明家嘅莊子作為母親。當未來世界的杜拉格斯於尋找孫悟空後3年再次回來,佢發現與其所知嘅歷史大不同,因為佢親手改變了歷史,蝴蝶效應下,一切有所改變,人造人17及18號嘅實力比未來世界更強,而且更多咗3個包括19號,20號及更強嘅16號。


故事隨之後發展落去,當比達與杜拉格斯於精神時光屋修煉出來後,要對付嘅並非再是人造人17及18號,而是更恐怖嘅人造人,佢就係斯路。不過吸收咗17號嘅斯路亦未係超級比達嘅對手,但斯路卻用激將法使比達助其吸收18號變成完全體。自負且希望挑戰最強嘅比達當然中計,不過若說中計不如說這才是龍珠內眾戰士最正常嘅做法,幾可肯定變成孫悟空也會有如此打算。不過作為故事中最貼地嘅撒亞人,並未有此想法而是希望盡早解決斯路,即使不惜與父親比達一戰。此舉完全缺乏龍珠戰士希望挑戰最強嘅武道家精神,卻是為了世界和平最貼地最現實嘅戰士。

點解未來世界嘅杜拉格斯會變成最貼地嘅超級撒亞人呢?其實未來世界嘅杜拉格斯來自一個被人造人17及18號虐待嘅世界,Z戰士亦已死淨佢一個,杜拉格斯兒時只餘下孫悟飯,佢嘅師父陪隨著成長,因為於孫悟飯仍年幼時,宇宙最強嘅Z戰士孫悟空因為心臟病而去世,其餘Z戰士包括撒亞王子比達亦死在人造人手下,最壞嘅情況當然包括笛子魔童及地球嘅神,所以龍珠已消失,仙豆亦已接近絕種。
換句話說,孫悟飯一人獨力抵抗人造人17及18號於未來世界嘅滅絕計劃,地球人口餘下約10%嘅人口而且需要不斷逃亡防止人造人因興之所至而去殺人,杜拉格斯則連自己的父親也未見過一眼,所有嘅傳聞只能從母親莊子及師父孫悟飯口中得知。而孫悟飯再一次去挑戰人造人之際將杜拉格斯打暈,當杜拉格斯醒後趕至時只發現師父的屍體,亦因而才引發變身成超級撒亞人。慢慢地,日子在過去,從呢個環境下成長嘅杜拉格斯充滿了人性,缺少了龍珠故事中挑戰強者的武道家精神,卻變得最貼地。等到莊子將時光機完成後,絕望中看到了一絲絲的希望,回到過去尋找孫悟空。

作品中杜拉格斯嘅眼神總是帶著絕望,缺乏自信,使人感覺到佢沒有夢幻般歷練嘅過去,卻是一位擁有從絕望中不斷為了生存而戰鬥的龍珠戰士。



喜歡此空間的同時, 也對FACEBOOK專頁讚好, 謝謝支持!
K漫說故事 - https://www.facebook.com/KCOMICSTORY/

留言


請按此登錄後留言。未成為會員? 立即註冊
    快捷鍵:←
    快捷鍵:→