[ K漫世界 - 聖鬥士星矢 - 黃金聖鬥士的實力排名 ]

K漫說故事 於 08/01/2018 發表 收藏文章
喜歡此空間的同時, 也對FACEBOOK專頁讚好, 謝謝支持!
K漫說故事 - https://www.facebook.com/KCOMICSTORY/

提到聖鬥士星矢,除左五小強,相信最有睇頭一定係12個黃金聖鬥士,而向呢12名黃金聖鬥士當中,到底佢地嘅實力排名係點? 一直都未有官方分析,在於我K漫個人以言,按以下排名由弱至強列出:


12: 雙魚座 - 阿布羅狄
星矢呢一代嘅雙魚座 - 阿布羅狄,實力真係慘不忍睹,於黃金十二宮亦不敵一班未爆發嘅青銅小強,不過其個人之處可能就係對部分植物有著抗體,奇特嘅身體質素令佢於適當時有D作用,講緊就係黃金魂當中嘅情節,如果阿布羅狄無左件聖衣,或者實力根本唔入流。


11. 巨蟹座 - 廸馬斯古
擁有絕招 - 積屍氣冥界波嘅廸馬斯古,其實都只係將人帶落冥界,除此之外,其個人實力也只屬一般。若非有此絕招,相信只等同雙魚座嘅實力。



10. 金牛座 - 阿魯廸巴
擁有巨力嘅金牛座,其力量非常實際,面對星矢亦只是被斬去聖衣牛角,而真正實力未知太多,不過由於絕招巨型號角其實都只係一般嘅招式,排名亦只能於此。


9. 獅子座 - 艾奧里
12名黃金聖鬥士當中最年青嘅一位,可惜由於其招式就只有閃電光速拳及等離子光速拳,其實同阿魯廸巴嘅力量可能差不多,不過貴為故事初始嘅男主角,排名便高過金牛座吧。


8. 天蠍座- 米羅
15針便能致人於死地嘅天蠍座- 米羅,由於深紅毒針要出晒15針,如果面對一D有壓倒性實力嘅對手,似乎未必可以出得切15針去解決對手,不過由於其正義感強及為人善良,講唔定未出盡全力。


6/7. 水瓶座- 卡炒/山羊座- 修羅
認為此2人實力並排,因為卡妙擁有水與冰的魔術師之稱,可以將水與冰控制得非常好,即使做唔到進攻,要用水同冰黎防守都有番咁上下實力,其招牌必殺技 - 曙光女神之寬恕更是經典。而修羅則擁有無堅不摧嘅手刀,雖然跟金牛座嘅阿魯廸巴及獅子座嘅艾奧里同樣只有實而不華嘅招式,但修羅被譽為「體術達到頂點的男人」,而且曾經於聖域成功追殺射手座艾奧羅斯,要知道艾奧羅斯實力好強,固此認為修羅嘅實力都有番咁上下,黃金魂當中的劇情,亦睇到修羅實力於艾奧里之上,雖然黃金十二宮入面,面對紫龍出左好幾招都未能致呢位小強於死地有點矛盾...............





5. 白羊座- 穆先生
於冥王十二宮先真正睇到穆先生嘅實力,以一人戰勝雙魚與巨蟹就知唔小野,水晶牆同星光滅絕呢2招攻守兼備,而且仲有念力呢招。唔好忘記,師承前教皇薜安而且受薜安極力讚賞証明實力之強可見一斑。


4. 人馬座 - 艾奧羅斯
雖然於故事開始嘅十三年前已被修羅殺死,但得前教皇薜安點名繼任,當然佢優勝嘅地方在於[仁德智],不過實力應與雙子座撤加接近,佢嘅絕招跟弟弟獅子座嘅艾奧里同出一撤,不過勝在仲有支黃金箭。


3. 雙子座 - 撒卡
撒卡擁有嘅實力相信唔洗多介紹,一招能將前教皇薜安解決,雖然當時薜安已經二百幾歲,不過都唔係易對付,而且佢嘅絕招異次元空間同埋銀河爆裂拳擁有毀滅性嘅力量,幻朧魔皇拳更可將人洗腦,被稱為最強黃金聖鬥士嘅佢,打入三甲內實屬正常。


2. 處女座 - 沙加
最接近神嘅男人唔係浪得虛名,佢果招天舞寶輪能夠令人失去五感,而且一直感覺到佢並未用盡全力一戰,即使於冥王十二宮內,撤卡要與修羅及卡妙聯手用禁忌招式[雅典娜之嘆息]黎對付沙加就知沙加咩料啦,呢幕都相當經典。



1. 天秤座- 童虎
童虎 貴為243年前上一代聖戰生還者,而且受雅典娜之命用假死監視冥界一百零八名冥鬥士而需要長年坐於中國廬山五老峰,係雅典娜最信任嘅聖鬥士,被所有聖鬥士尊稱為「老師」。而且本身天秤座聖衣中有十二種武器,每樣武器嘅破壞力驚人,足以毀滅星河,所以雅典娜亦禁止無故使用。除左經驗豐富,而且經歷過聖戰,加上本身聖衣已有一定破壞力,所以我認為「老師」係黃金聖鬥士當中實力排名最高一位。




喜歡此空間的同時, 也對FACEBOOK專頁讚好, 謝謝支持!
K漫說故事 - https://www.facebook.com/KCOMICSTORY/

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • Ho Pun Fai
    Ho Pun Fai 於 08/01/2018 評論 NO. 1

    都好中肯,不過我鍾意沙加第一位多啲~XD

  • Ho Kit
    Ho Kit 於 08/01/2018 評論 NO. 2

    純粹 個人感覺 我覺得 艾奧尼強過米羅

  • Kalvin Ma
    Kalvin Ma 於 08/01/2018 評論 NO. 3

    其實我個人覺得應該加埋薛安落個排名 而且同童虎一齊排第一名
    話晒都係243年前聖戰既生還者 可以生存落黎有佢一定既實力
    最經典都係一個空手翻 將五小強拋起 亦好輕鬆咁鎖住穆既行動同埋破佢水晶牆
    我好深信如果薛安當時唔係200幾歲而係擁有強壯身體時 撒卡冇可能咁輕鬆KO佢
    不過佢出場真係太少 就連係破嘆息之牆同埋黃金魂都冇出場 我個種期失落感難以形容

  • Hang Jai
    Hang Jai 於 08/01/2018 評論 NO. 4

    沙加點睇都係第一 佢輸既原因只係因為對家係不死鳥

  • Perry Bao
    Perry Bao 於 08/01/2018 評論 NO. 5

    Terry Chao Dennis Ng

  • Raylion Wong
    Raylion Wong 於 08/01/2018 評論 NO. 6

    我覺得呢兩個掂。

  • Roy Lam
    Roy Lam 於 08/01/2018 評論 NO. 7

    Jay Ho

  • Jacky Cheung
    Jacky Cheung 於 08/01/2018 評論 NO. 8

    沙加第一,雙子細佬第二

  • Lik Lik  Wong
    Lik Lik Wong 於 08/01/2018 評論 NO. 9

    Chan Small

  • Alex Tang
    Alex Tang 於 08/01/2018 評論 NO. 10

    Angus Tang

  • Jimmy Ketsu Ng
    Jimmy Ketsu Ng 於 08/01/2018 評論 NO. 11

    講真,如果講番黃金魂,海鮮二人組都賺唔少分數,冇雙魚真係全部死得,巨蟹更加係代表作,連主角獅子都要坐歪!
    但如果講番下一代omega嘅話,唔計人馬同天秤係前小強繼承,似乎只係得白羊,雙子,處女同金牛叫做成功繼承,甚至巨蟹,天蠍同山羊,都幾丟上一代假,而水瓶同雙魚…真係冇眼睇!

  • Kenny Lee
    Kenny Lee 於 09/01/2018 評論 NO. 12

    其實講黃金聖鬥士 佢地實力都係平均 因為有講過兩個黃金聖鬥士對決既話 要打反一百幾十日先會分到勝負

  • 布海嵐
    布海嵐 於 09/01/2018 評論 NO. 13

    冥王十二宮中黃金聖鬥士係有一招禁招 雅典娜係唔比用 結果果招打敗左沙加 個個黃金聖鬥士都識

  • Jojo Wong
    Jojo Wong 於 10/01/2018 評論 NO. 14

    最弱4個 雙魚 米羅 冥界波 金牛無懸念

快捷鍵:←
快捷鍵:→