[ K漫世界 - 從零開始的異世界生活 - 雷姆從零開始的表白 ]

K漫說故事 於 10/09/2018 發表 收藏文章
[b]喜歡此空間的同時, 也對FACEBOOK專頁讚好, 謝謝支持!
K漫說故事 - https://www.facebook.com/KCOMICSTORY/

雷姆,[從零開始的異世界生活]嘅第二女主角,人氣卻超過女一嘅愛蜜莉雅。原因何在呢?!其實故事一開始,愛蜜莉雅嘅登場已經說明佢就係本故事嘅女主角。樣貌娟好,性格溫柔,而且帶點女孩子嘅口不對心,相信吸引到不少粉絲。而雷姆嘅登場卻來得普通且被姐姐拉姆所分散了注意力,另外故事嘅發展令雷姆成為一位追殺主角昴嘅殺手,殺氣騰騰嘅感覺,萬萬估唔到日後成為咗本作嘅超人氣女角。



第十八集 - [從零開始],呢一集出現於昴經歷幾次死亡回歸後仍然未有辦法解決,而且更感到絕望下,今次嘅死亡回歸,佢選擇咗與雷姆遠走高飛,逃避問題,由於佢於之前嘅死亡回歸中知悉雷姆於之前與自己嘅一次經歷後對自己有著愛意,亦順理成章如同搵到一個水泡一樣。

昴對雷姆嘅表白帶著恐懼,驚慌,此心情亦被雷姆所洞悉,不過雷姆嘅善解人意,溫柔卻於此散發出黎,雷姆向昴來個表白,細數二人雙宿雙棲嘅情景,不過雷姆卻希望昴係帶著歡笑去期待著。

呢一刻,昴仍然想逃避,但雷姆卻盡顯關心與支持,感覺就如同"無論如何,我都會支持你",呢種鼓勵就係最好嘅支持,相比更理性嘅分析來得震撼,結果昴終於想通,亦向雷姆表達自己嘅心係向著愛蜜莉雅,而雷姆從一開始就知道呢件事亦願意繼續支持昴。



雷姆嘅表白簡單而直接,只係細想自己與昴嘅生活,最窩心嘅說話相信係"我呢一生就無憾喇"及"你就係我嘅英雄",試想想身邊嘅另一半對自己有此支持嘅表白,相信力量亦隨之而來,亦因此表白令雷姆更加成為[從]的故事中超人氣女角。


順便聽聽雷姆表白時嘅插入曲 - Wishing

[b]喜歡此空間的同時, 也對FACEBOOK專頁讚好, 謝謝支持!
K漫說故事 - https://www.facebook.com/KCOMICSTORY/

留言


請按此登錄後留言。未成為會員? 立即註冊
    快捷鍵:←
    快捷鍵:→