任天堂嘅《LABO》出街，不過就唔多覺好多人追，多多少少同價錢有關啦，六舊幾水真係好難過到心理關口，大家九成都會諗：「緊係啦，你哋啲舖成機炒高個價賣到咁貴，想買嘅都俾個價嚇到唔敢買啦！」等陣先，不如等我老友同大家講出真相。
我呢個老友係嚮香港開Game舖，佢呢期就真係呻到樹葉都落埋！問佢因乜事咁灰，佢老哥就話LABO真係好雞肋：你知一定會有人買，但入貨就真係得個做字之餘仲分分鐘輸身家！當大家都以為賣一隻Game會有三四十個巴仙賺的話，咁真係錯到離譜！其實呢個代理出晒名食水深，錢就佢賺晒，去到舖頭咩？你冇得賺唔關佢事！就好似LABO個Customization Kit咁，佢批俾啲大公司係平啲，你睇好似呢間百貸公司，呢 Set 嘢賣街係$72，但佢老哥親手俾我睇嘅 Order Form 中睇到同一 Set 嘢嘅入貨價係$70！賺$2，你要賣幾多套先夠成本？而且咁樣仲未止呀，而家入LABO，就必須要入埋亞洲版《Zelda無雙》！係呀Zelda變成骨呀！你話而家咁樣做真係會做到冇晒心機。所以有時唔好話人點解返水貨，靠呢啲黑心代理真係等乞食！
轉載自3iGAME
我呢個老友係嚮香港開Game舖，佢呢期就真係呻到樹葉都落埋！問佢因乜事咁灰，佢老哥就話LABO真係好雞肋：你知一定會有人買，但入貨就真係得個做字之餘仲分分鐘輸身家！當大家都以為賣一隻Game會有三四十個巴仙賺的話，咁真係錯到離譜！其實呢個代理出晒名食水深，錢就佢賺晒，去到舖頭咩？你冇得賺唔關佢事！就好似LABO個Customization Kit咁，佢批俾啲大公司係平啲，你睇好似呢間百貸公司，呢 Set 嘢賣街係$72，但佢老哥親手俾我睇嘅 Order Form 中睇到同一 Set 嘢嘅入貨價係$70！賺$2，你要賣幾多套先夠成本？而且咁樣仲未止呀，而家入LABO，就必須要入埋亞洲版《Zelda無雙》！係呀Zelda變成骨呀！你話而家咁樣做真係會做到冇晒心機。所以有時唔好話人點解返水貨，靠呢啲黑心代理真係等乞食！
轉載自3iGAME
請按此登錄後留言。未成為會員? 立即註冊