如果你有返咁上下年紀，都可能會記得PS年代有一款3d嘅街霸格鬥，當時遊戲加入左一批全新角色，格鬥系統亦同傳統街霸完全唔同，但當時玩家無嫌佢無街霸味，反而仲幾支持，令到該系列一連出左三集。當時遊戲由Arika 同Capcom 聯合創造，不過兩家公司後來合作中止之後，《街霸EX》亦再無後繼作品，街霸人物當然返到新嘅《街霸》又或者格鬥遊戲之中，但Arika方面嘅角色就無咁好彩，繼98年出完《Fighting Layer》之後就再無新作。
事隔20年，Arika 終於喺上年推出全新遊戲《Fighting EX Layer》嘅消息，遊戲畫面大副提升到次世代主機級數之外，遊戲更加將唔少《街霸EX》(又或者應該叫做Arika旗下嘅格鬥角色)亦宣佈參戰。早前公開嘅資訊當中，再多三位角色參戰，分別為《Street Fighter EX 》中，一頭藍髮嘅富家女格鬥家 Blair Dame、身為Blair 保鑣，以西洋拳及爛仔球棒反彈氣功波見稱嘅Cracker Jack，以及當骷髏人係死敵嘅英雄「Shadow Geist」。不過講真，就算我介紹完佢你都未必記得佢係乜水，不如睇片仲好啦。
三位角色外表被重新設計， Blair 嘅面相亦有非常大改進（以前睇故事你係唔會明白點解 Blair 需要保鑣），而片尾亦有兩個黑影，似乎Arika仲會有其他角色公開。睇片遊戲中物理及玩法應該會同舊有作品有非常大分別，而且遊戲中亦有「強氣丸」系統，可以針對角色做不同類型強化，咁呢個系統會唔會令遊戲變成pay to win 嘅格鬥遊戲？呢個就真係未知之數，加上實質可以試玩日期官方亦未有公佈，但遊戲就預計會於2018年6月左右推出，玩家可以選擇$39.99美金嘅輕量版 及 $59.99正常版，在強氣珠種類及預訂禮物上會有分別。
轉載自3iGAME
事隔20年，Arika 終於喺上年推出全新遊戲《Fighting EX Layer》嘅消息，遊戲畫面大副提升到次世代主機級數之外，遊戲更加將唔少《街霸EX》(又或者應該叫做Arika旗下嘅格鬥角色)亦宣佈參戰。早前公開嘅資訊當中，再多三位角色參戰，分別為《Street Fighter EX 》中，一頭藍髮嘅富家女格鬥家 Blair Dame、身為Blair 保鑣，以西洋拳及爛仔球棒反彈氣功波見稱嘅Cracker Jack，以及當骷髏人係死敵嘅英雄「Shadow Geist」。不過講真，就算我介紹完佢你都未必記得佢係乜水，不如睇片仲好啦。
三位角色外表被重新設計， Blair 嘅面相亦有非常大改進（以前睇故事你係唔會明白點解 Blair 需要保鑣），而片尾亦有兩個黑影，似乎Arika仲會有其他角色公開。睇片遊戲中物理及玩法應該會同舊有作品有非常大分別，而且遊戲中亦有「強氣丸」系統，可以針對角色做不同類型強化，咁呢個系統會唔會令遊戲變成pay to win 嘅格鬥遊戲？呢個就真係未知之數，加上實質可以試玩日期官方亦未有公佈，但遊戲就預計會於2018年6月左右推出，玩家可以選擇$39.99美金嘅輕量版 及 $59.99正常版，在強氣珠種類及預訂禮物上會有分別。
轉載自3iGAME
請按此登錄後留言。未成為會員? 立即註冊