【新年救命專用】光速學識!《Dragon Ball Fighter Z》連技示範及教學

3iGAME 於 19/02/2018 發表 收藏文章
新年黎到,唔知大家拜年或得閒去朋友屋企果陣會唔會打下機呢? 咁之前同大家講個最適合用黎看門口既《Dragon Ball Fighter Z》就大派用場啦。雖然隻game易上手連按□/△都有基本的自動連技,但為左係親戚/朋友前威下又或者你本身有玩但唔想亂按一通既話就睇下隻game點連技啦。呢到同大家分享自己常用角色既連技示範先,下面再同大家講解點樣連。


(記得睇埋後面,杜拉格斯先係重點…)

《Dragon Ball Fighter Z》既連技最主要 睇四點「Jump cancel」、「追擊」、「彈牆」、「支援攻擊」。

攻擊指令按以下方式表示(對應PS4按鍵):

L 輕攻擊(□),M中攻擊(△),H 重攻擊(O),S 特殊攻擊-氣功(X)

首先,「Jump cancel」就係利用遊戲中本身既「二段跳」機制於空中攻擊時取消下一擊再駁一輪普攻,亦由於「二段跳」本身只可以跳一下既關係每次由跳起至落地既果程只可以用一次「Jump cancel」黎加長連技,而且只要你係空中按左 ↑ 就會判定你用左呢次「二段跳」所以記得有需要時先按唔好怕甩就亂按個 ↑鍵。

例子:

L,L,↓M,M,↗(小跳),L,M,L,↗(Jump cancel),L,L,H

「追擊」就係當你用重擊打飛對手再按多下重擊會自動以「超級衝刺」追擊對手,大部分角色係空中時用下重擊(↓H,H)接追擊會繼續連落去並且可以同「Jump cancel」既連技一齊用。但要留意一套連技當中(由敵人被擊飛直到受身/倒地)只可以用一次「超級衝刺」,如果你用R2的「超級衝刺」起手或係□連按果陣用一次追擊就唔可以係呢套連段到用「追擊」駁落去。另外係連技中用一次下重擊(↓H,H)接追擊或直接用下重擊(↓H,H)起手打人上天再係結尾用L,L,H將敵人打返落黎會令敵人多左段倒地時間可以用黎駁必殺技尤其是悟空呢種地面限定既大絕。

例子:

L,L,↓M,M,↗(小跳),L,M,L,↗(Jump cancel), L,M,L,↓H,H(追擊),L,L,H, 大絕

L,L,↓M,M,↗(小跳),L,M,L,↓H,H(追擊),L,M,L,↓H,↗(Jump cancel), L,L,H, 大絕 (高攻少少)

「彈牆」就係係連彈當中或尾段用「消失移動」(△+O)會將對手擊飛至牆壁再彈返黎,而想對彈牆後的敵人再連招就要視乎對手彈返黎時既高度同距離用唔同方式駁,太高的話最好用換人(前L1)或R1的「龍衝擊」,中等高度的話可以用衝刺跳(➝➝↗)再駁普攻,低空的話可以係佢彈返黎果下直接↓M,M駁落去(視乎距離可能要加衝刺)。不過同一連技中如果用第二下「消失移動」會變左無力彈返轉頭所以唔好以為有氣就可以係咁連。

例子: (低空)

↓M,M,↗(小跳),L,L,H, M+H(消失移動),←←(視乎距離需要),↓M,M(追擊),↖(小跳),L,M,L,↖(Jump cancel),L,L,H

例子: (中等高度)

L,L,L,L,L,H, M+H(消失移動), ←←↖(衝刺跳),L,M,L,↖(Jump cancel),L,L,H

例子: (高)
L,L,↓M,M,↗(小跳),L,M,L,↗(Jump cancel), L,M,L,↓H,H(追擊),L,L,H, M+H(消失移動), 換人,L,L,必殺>空中大絕(自由發揮)

「支援攻擊」係DBFZ中除左可以用黎做彈幕支援外仲可以用黎連技,咁由於每個角色的支援都唔同所以真係要自己覺得岩用再研究點駁。不過比達(超一)既支援絕對係最好用既其中一個,用L,L,H連技將對手打落黎果彈駁比達(超一)算係其中一個比較易連亦唔洗貼牆都做到既連技,其他「支援攻擊」要拎黎連技就要預準D時間同可能要貼牆先得。而在施放超必殺技時按「支援攻擊」可以叫隊友出黎駁超必,按後+「支援攻擊」就會放耗氣3格的流星必殺技(大絕)。

例子:

L,L,↓M,M,↗(小跳),L,M,L,↗(Jump cancel), L,L,H(比達超一支援),↗(小跳),L,M,L,↗(Jump cancel), L,L,H(氣功類支援),↗(小跳),L,M,L,↗(Jump cancel), L,M,L,↓M,M(追擊),L,L,H,大絕

除左以上呢d方法可以加長普攻連技外,最基本必殺駁超必至到唔同角色根據招式特性既連技等有好多玩法,例如第一段片中杜拉格斯既「旋風跳躍」(↓↖← H)或貼牆時空中氣功+「旋風跳躍」(S+↓↖← L)可以駁長連技等,不過如果你掌握左以上幾點就應該唔難再學其他連技,玩家們睇完可以自己試下DIY連技。不過實戰中又唔洗太執着要連好多Hit再放大絕,因為傷害遞減既關係連完技再放唔會高攻太多,做好防守睇準時機出手,善用支援攻擊同適時換人先係勝利關鍵,最後祝大家新年快樂。

轉載自3iGAME

留言


請按此登錄後留言。未成為會員? 立即註冊
    快捷鍵:←
    快捷鍵:→