砍掉重練?傳 Capcom版DS《Deep Down》腰斬要重製!

3iGAME 於 08/06/2018 發表 收藏文章
呢幾年有唔少遊戲都Sell 難玩、玩騎士、又Sell死左又要執返d EXP / 靈魂,直接d就係話佢似《Dark Souls》啦。知名大廠Capcom 期下其實都有一款類似作品在於開發階段,呢款就係《Deep Down》喇,早於2013年已經公開嘅作品,遊戲最大賣點就係賣4人同時冒險,有別於《Dark Souls》系列,《Deep Down》將會用自家Engine,副本地圖更加係每次都會隨機生成,令大家每次玩都會有新體驗。


不過事隔5年,遊戲都仲未有影,E3前夕,亦有相關嘅消息流出。討論區ResetEra上面,日前就有對呢款遊戲非常嚴重嘅指控。爆料者提到:「遊戲Trailer 同Demo 其實並唔係宣傳片上咁講,當用返自家Engine 嘅時候,遊戲每秒只可以2~8格,去到後期改進之後都只係可以做到5~25格。」爆料者更話呢個項目本身係個非常燒錢既項目,依家其實同已經擱置無分別,依家Capcom 已經搵緊其他團隊將遊戲完全移植到Unreal Engine 上。

爆料者仲話遊戲有另一個致命傷就係遊戲完全唔好玩,所有野放到落遊戲度就好似格格不入;遊戲開發上已經投放左好多資源,依家要止血除非腰斬遊戲,又或者將成件事由零再做先可以有機會見到街咁話。

事情去到呢度,ResetEra就刪埋po,不過好老實,當年《Dark Souls》推出,難玩嘅程度令大家發現新大陸,有唔少遊戲都想模仿佢地;不過去到今時今日連《Dark Souls》都已經完滿結束嘅時候,再繼續開發一隻類似嘅遊戲又係唔係一個好好嘅良策呢?早前亦有傳Capcom 將《Deep Down》商標再度延續,意味Capcom 似乎未必會放棄呢款作品,不過到底今次呢單料是真是假,當中有幾多係吹水就真係要留比大家自己分析喇。

轉載自3iGAME

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→