【噬神者8週年】《GOD EATER 3》首次公開實機遊戲畫面!

3iGAME 於 27/03/2018 發表 收藏文章


BANDAI NAMCO近日就為旗下遊戲《GOD EATER》系列舉辦左一場8周年既感謝祭 , 咁係感謝祭裏面官方就公開左手機遊戲《GOD EATER RESONANT OPS》既OP動畫以及新人物情報同埋一D週邊商品既情報。

除此之外 , 各位《GOD EATER》Fans期待而久既《GOD EATER 3》亦係感謝祭期間首次公開左遊戲既實機畫面以及遊戲既故事背景。


《GOD EATER 3》既故事背景講述係一個被稱為「灰域」既區域 , 係呢個區域裏面任何物質都會化為灰燼 , 而能夠係「灰域」裏面活動既特殊「神機使」就會被稱為「AGE」, 而主角就係其中一位。


而係感謝祭公開既實機畫面中可以見到係舊作既「連段捕食」以及「空中捕食」既系統都延續落《GOD EATER 3》, 另外亦加入一D新既戰鬥系統 , 好似係實機畫面既試玩片段中就見到可以同附近既同伴連結發動連結能力既「連結系統」等。


另外係實機畫面既試玩片段中亦見到新武器雙刀既動作 , 除左相比過往既神機行動迅速之外 , 亦可以將雙刀合體 , 令到攻擊力提高。除此之外 , 亦可以同舊作一樣變成槍型態進行遠距離攻擊。


咁官方就係感謝祭宣佈《GOD EATER 3》將會係PS4以及PC上推出 , 但大家最期待既發售日期就還未公開 , 各位《GOD EATER》既Fans可能要等多一等啦。

轉載自3iGAME

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→