Marvel's Spiderman確定有中文!Venom或會出現!?

卡關の達人 於 10/04/2018 發表 收藏文章
等咗成年,Insomniac Games終於公佈PS4獨佔嘅Marvel's Spiderman會喺今年9月推出。雖然好多資訊都仲係收收埋埋,官方亦都講咗E3會公佈更多資訊,但有確實推出日期,即係隻game已經整好九成,少不免總會俾人問啲系統相關嘅問題。其中港台玩家最關心嘅應該都係究竟遊戲有冇中文字幕,Insomniac好直接回應一句"Yes",大家唔使怕唔明佢講緊咩啦ww!


除咗推出日期,官方都公開咗一啲新嘅遊戲資訊,其中一樣就係遊戲會根據劇情需要,Peter Parker會以普通人嘅身份出現。製作團隊表示大部份遊戲嘅角色都唔會換衫,但係喺Marvel's Spiderman裡面Peter Parker會喺唔同日子會有唔同嘅裝束。另外,遊戲裡面會有一個好明顯嘅時間系統,根據劇情嘅推進會有日夜交替,遊戲畫面光線充足定昏暗會如鮮明,玩家一定會意識當時係日頭定夜晚。


當然,另一個玩家關心嘅問題當然係究竟會有咩反派登場呢?Game Infomer早前就做過個訪問,其中(29:45開始)就提到呢個問題,佢哋就話創意總監Brian Intihar無直接否定Venom會出現,剩係話覺得Venom好cool。不過Brian Intihar就好強調有一個"大反派"係唔會出現,就係小額付費,叫大家唔使擔心!

留言


請按此登錄後留言。未成為會員? 立即註冊
    快捷鍵:←
    快捷鍵:→