Gamora演員表示經常俾同行睇唔起:"佢哋覺得我哋係賤賣緊自己!"

卡關の達人 於 09/04/2018 發表 收藏文章
仲有唔夠一個月Avengers: Infinity War就會上映,每位英雄嘅全球電影宣傳活動亦已經開始,其中飾演Gamora嘅Zoe Saldana喺接受Porter嘅訪問就道出一個幾悲慘、公開嘅秘密:"其實好多Hollywood嘅業界人都睇唔起我哋!"


"好多業界嘅傑出人士都自以為高人一等,完全睇Marvel嘅演員唔起,覺得我哋係賤賣緊自己。但實情我哋好明白我哋飾演緊嘅角色一樣可以激勵到人,你諗諗我哋抽時間去同好想見到超級英雄嘅小朋友見面,同佢哋講其實我哋一直都有關注你哋,你哋同啲超級英雄一樣咁重要,對小朋友嚟講其實係好有意義。其實睇唔起我哋唔緊要,但因為我哋係Marvel嘅演員就踩我哋,你同時踩緊對小朋友好重要嘅價值!我以我飾演過嘅綠色同藍色外星人為榮,可以鼓勵到新一代同時都係對我嘅一種激勵。"


的確好多文藝片大師、演員都好睇唔起商業電影,其實只要有細心睇,唔少電影雖然有好濃烈嘅商業味,但其實同時亦都有帶出好值得令人反思嘅message,唔同類型嘅電影都會有各自嘅捧場客,其實真係無乜必要去睇低人……

留言


請按此登錄後留言。未成為會員? 立即註冊
    快捷鍵:←
    快捷鍵:→