遊戲界Siri?Ubisoft推出虛擬遊戲助理Sam!

卡關の達人於 29/01/2018 發表 收藏文章
7年前一句"Hey Siri!"橫空出現,當時好多人都攞粗口嚟玩佢,加上當時你唔係字正腔圓,Siri都聽唔明你講緊乜(,我真係懷疑BULC啲普通話老師係當年嘅Siri,但又好似無Siri咁有用lol),所以當時好多人都覺得Siri只會係曇花一現嘅黑科技。


不過時至今日,使用虛擬助理已經好常見,不論係Apple嘅Siri、Google嘅Google Assistant、Microsoft嘅Cortana,定香港少啲人識嘅Alexa都唔少用,最近連遊戲商Ubisoft都話要出返個虛擬助理 - Sam。


官方表示推出Sam嘅目的係為咗強化玩家嘅遊戲體驗。Sam嘅基本運作同其他虛擬助理差唔多,都係你可以打字或者語音問佢嘢,佢會答返你咁,理所當然你問佢關於Ubisoft旗下遊戲嘅資訊佢一定答到你啦。就咁睇,Sam都無乜特別啫,駛鬼用佢咩?咁你錯喇,Sam可以透過連結你嘅Ubisoft Account,分析你嘅遊戲檔案,提供適合嘅建議同資訊。例如你喺某一個位卡得太耐,佢就會自動搵相關嘅提示或攻略俾你,當然睇唔睇隨你架啫。


Sam已經喺Ubisoft嘅手機app開始咗Beta測試,暫時只係喺加拿大開放,官方承諾嚟緊幾個月會開放俾更多地區,有興趣嘅就要再等下喇!
《吳安儀輕鬆挑機!?》

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→