會唔會有MHWG?製作人:"暫冇計劃" 文字

卡關の達人於 11/04/2018 發表 收藏文章
每隻MH緊隨其後都會有隻G版(X之後有XX),G版係原本嗰隻嘅加強版,會對遊戲系統進行調整,加啲新龍俾大家屠,同追加G-Rank嘅任務。不過去到呢個年代,要做呢啲更新,似乎出個更新檔就得,最多包裝成付費DLC,而唔係要特登出多隻新game,不過似乎MHW嘅製作人德田優就唔多想討論呢個問題。


"我哋現時專注緊喺MHW,嚟緊會keep住定期推出更新內容同DLC,我哋準備緊大量嘅全新任務,好似啱啱第一次大型更新,就出咗恐暴龍,大家都可以免費得到呢啲內容。除咗推出一啲經典嘅魔物,仲有好多新嘢做緊,大家密切留意!關於會唔會有G-Rank任務,呢個恕我唔能多透露太多。"


其實PC版秋季先出,而家就討論會唔會有G版實在係言之尚早,更何況就好似一開始所講,就算真係想收錢出個系統性更新,出個收錢嘅DLC就得,唔需要由頭開發過,所以開發團隊暫時仲未有計劃都好合理。

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→