日本電競悲歌?日本奧委會代表不認同電競屬運動項目

卡關の達人於 15/05/2018 發表 收藏文章
電競,英文即係e-Sports,雖然掛住個Sports字,所有訓練都同一般運動員無疑,但仍然有唔少人覺得都係打舖機啫。不過喺唔夠100日就開幕嘅印尼亞運,電競已經成為咗試驗項目,更加會喺2022年杭州亞運成為正式項目,國際奧委會已經考慮緊會唔會將電競列入2024年巴黎奧運嘅項目之一。


正當大家都好期待電競將會有突破性嘅發展,作為電玩之都嘅日本代表就持相反意見,認為電競唔應該被稱為運動,佢有以下兩個觀點:
1. 運動係為咗促進身體健康,但WHO認定沉迷電子遊戲等同疾病,由於會對健康有害,所以同電子遊戲相關嘅行為都唔應該為稱為運動。
2. 基於法律,收參加費嚟製造獎品同獎金都唔太好舉辦。


第2點我唔太清楚,評論唔到。但就住第一點,細佬我就咁睇,WHO認定沉迷電子遊戲等同疾病呢件事已經值得商榷,其實沉迷任何嘢都係唔好,被視為疾病嘅本質應該係沉迷,而唔應該針對電子遊戲。另外,運動員過度操練造成對身體嘅永久傷害屢見不鮮,咁相關嘅運動又係咪唔可以被視為運動呢?當然人人立場唔同,你哋又點睇呢?
《吳安儀輕鬆挑機!?》

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→