挑戰者一號傾版權都傾咗3年，可惜都係無佢…… 精選

由著名導演史提芬史匹堡執導，啱啱上個禮拜上映嘅挑戰者一號，未出已經好多人期待，上畫之後更加係大獲好評，特別年長少少嘅睇呢套戲會特別感觸，因為電影裡面出現嘅動漫、電影、遊戲角色全部都係我哋嘅童年回憶。


不過要令咁多角色登場，傾版權足足傾咗3年。之前史提芬史匹堡就提過Star Wars嘅版權無可能傾到，不過最近佢就咁講："我後尾就決定唔用Star Wars嘅偶像元素，因為佢雖然係80年代推出，但仍然有新戲出緊，所以我傾咗兩個細啲嘅角色R2-D2同X-WING。"


不過最令劇組遺憾嘅，就係每辦法將原著小說最終大戰超人(Ultraman)會現身嘅呢幕呈現出嚟，編劇Ernest表示："其實圓谷製作同UM公司都樂意見到超人喺電影裡面出現，但問題係佢哋之間有官司打緊，無辦法明確咁授權我哋可以用超人。"最終佢哋就傾咗大鐵人同高達返嚟，不過如果係用超人就肯定會更加爆！