大作都讓路?4月兩大廠正面對決,God of War VS Labo!

卡關の達人於 30/03/2018 發表 收藏文章
噚日出埋隻機戰X之後,似乎去到4月就無乜大作,其實以往4同5月遊戲界都比較休養生息,個個都將啲情報積到E3先公佈,已經ready出嘅game會食住勢、加上之後就係暑期,所以6至8月會好多game出。而差唔多出得嘅game會趁E3"摸下玩家底",再做最後調整,年尾至下年年頭就會食住啲假期出,所以連復活節都過埋嘅4、5月就會得好少大作出。


特別今年1月尾出MHW,好多廠都避世,搞到三月有一堆大作出,個個都買咗都玩唔哂。雖然4月望落大家好似終於可以抖,但細心睇下呢個月嗰兩款大作,大家會發現原來今個月將會係PS4同Switch嘅正面對決,呢兩款大作分別就係《God of War》同《Labo》!


God of War同Labo分別都係一款好代表到各自主機嘅遊戲,PS4本身個定位就係好着重個人遊戲體驗、畫質極高,而Switch本身嘅定位就係着重同朋友、屋企人一齊玩,會做到啲其他平台做唔到嘅玩法,當然唔係話PS4無Party Game、Switch無單人Game,只係講緊着重邊方面多啲。自從Switch推出以嚟,任天堂喺啲自家大作嘅推出日期都好巧妙咁避開哂競爭對手嘅大作,但嚟緊終於避無可避,因為God of War同Labo都係4/20出!雖然話兩隻game嘅target玩家係唔同,但邊隻賣得好啲都可以反映到非忠粉玩家喺呢個年代究竟想要啲咩,對於兩間廠之後針對輕玩家市場會出啲咩game都會好大影響。

《吳安儀輕鬆挑機!?》

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→