[LOL電競消息]NA LCS (北美)冠軍也於今早誕生!TSM vs IMT

電競新聞專區 於 04/09/2017 發表 收藏文章
NA LCS作為LOL五大賽區之一,決賽當然不容錯過,今年決賽既戲碼係由(北美老大哥)TSM對上今季異軍突起既IMT。講到IMT,唔睇開北美比賽既朋友可能會對戰隊比較陌生,但IMT隊上既SUP相信有睇開我地台港澳(LMS)比賽既觀眾都會認識,佢就係前HKE輔助Olleh,唔知呢個消息會唔會令到你地轉向支持IMT呢?



係Game1,IMT攞到現今版本最強ADC崔絲塔娜,同後期大坦科加斯,理論上,佢地目標就係要拖到35分鐘後,科加斯同崔絲塔娜都有三件裝先可以打團戰。加上中路加里歐,係一個完全4保1陣。而TSM方面,有非常厲害既強開組合,銳空+酒桶。再加上星朵拉,前期團戰碰撞非常強勢。所以IMT有見及此,Olleh選擇本命角魔甘娜,作為counter pick,對抗對面強開。

雖然作為counter pick選出魔甘娜,雖然對線上可以壓住對面大師兄Doublelift,但Olleh今場表現並不理想,首先係8分鐘,酒桶GK下路,係睇到酒桶行過黎既情況下,魔甘娜黑盾無及時比到AD,比酒桶拎到人頭。其次,24分鐘同隊友完全隔開情況下被Bjergsen推中,直接秒殺,令中塔掉落,加快TSM雪球滾動。但IMT最離譜的失誤係27分鐘既大團戰,IMT選擇係5打5情況下直接同TSM硬打一波大團,結果比TSM反打一波0換2,輸埋波巴龍。
先講下呢個決定點解咁錯,首先IMT拎既係後期陣,此時既崔絲塔娜得2件半裝,根本唔夠輸出去殺死TSM前排,其次開呢波團之前其實IMT已經拎左TSM既藍區視野,根本唔怕對面會rush巴龍,對佢地黎講,35分鐘前,除左巴龍既團戰,一切都唔應該主動開。與其咁樣開一波團,不如比科加斯分推發育好過。
攞左巴龍既TSM,用盡優勢去推塔同放視野,去到36分鐘IMT已經輸到10K,IMT想係第二條巴龍最後一博,但可惜經濟相差太多,係先殺左TSM SUP下,四打五都打唔贏,遊戲正式結束,比分改成1:0。呢場比賽可以話係IMT輸左係自己度,TSM並無好出色既操作或者戰術,只係IMT失誤太多。雖然之後馬上追反一局,但無阻北美王者TSM再一次登上皇位,以3:1 GG對手。

留言


請按此登錄後留言。未成為會員? 立即註冊
    快捷鍵:←
    快捷鍵:→