《Pokemon》系列遊戲即將於2019年推出第八世代續作!

拉打文 於 30/05/2018 發表 收藏文章
任天堂係今日(30/5)宣布左推出結合黃版同Pokemon Go既《Pokemon Let's Go Pikachu / Eevee》,同埋登陸Switch & 手機平台既輕鬆小品《Pokemon Quest》,不禁令人聯想,究竟《Pokemon》「正傳」既續作會係幾時推出呢?官方就話比大家知,新作將會係2019年下半年推出!
繼承《Pokemon》遊戲系列既RPG作品,上一款已經係2017年推出既《Pokemon: Ultra Sun / Ultra Moon》(究極日月),亦係早前日月版既加強版。而《Pokemon》公司Game Freak既總裁石原和恆亦曾經公開承諾將會係Switch平台推出新作。

今日所推出既《Pokemon Let's Go》除左係一個新嘗試,亦都可能係為左下年即將推出既新作鋪路。每當《Pokemon》一個新世代既推出,不論係御三家既小精靈,或者作為世代象徽既神獸,都會令一班Pokemon迷熱切期待。而除左佢地之外,玩家或者可以有多一樣野期待?
作為非常受歡迎既小精靈之一既伊貝,曾經係第二世代、第四世代、第六世代分別推出全新既進化分支,依照以往規律既話,可能今次第八世代都會增加全新既進化分支!早前有傳今次將會係飛行系既伊貝,你地又希望新既伊貝會係咩屬性呢?
《Pokemon》正傳續作將會係2019年下半年於Switch平台推出。
標籤: Pokemon  寵物小精靈  

留言


請按此登錄後留言。未成為會員? 立即註冊
    快捷鍵:←
    快捷鍵:→