《海賊王》收視跌破5%!劇情無聊激嬲觀眾?

拉打文於 25/05/2018 發表 收藏文章
由尾田榮一郎創作既《海賊王》可以話係動漫界既長青作品之一,除左長達二十一年既漫畫連載,TV動畫亦都保持住每星期1集既進度,但自從動畫《蛋糕島篇》開播以黎,劇情既吸引程度同節奏都非常令人失望,原本已經下跌既收視情況變得更加嚴重。
根據最新既數據統計,上星期《海賊王》既收視已經跌破5%,只有4.8%。呢個數字仲低過《多啦A夢》、《名偵探柯南》、《櫻桃小丸子》等作品,距離自己曾經係第446集達到既最高收視13.8%有非常大既差距。
始終呢一類少年漫畫改編既動畫作品如果趕上原作進度,就要推出原創篇章黎拉長兩者既進度,原創劇情更加要不斷拖長劇情節奏。當年既《火影忍者》一樣有相同情況,收視率仲更加低添。其實原創篇章都可以有高質素劇情,例如《銀魂》既原創劇情甚至比原作更加爆笑。除左製作組可以諗下點樣改改個劇本之餘,其實或者可以試下索性停播黎拉遠兩者進度?不過無論點都好,睇黎製作組都要認真諗下有咩方法補鑊喇!
標籤: 動畫  海賊王  ONE PIECE  
《吳安儀輕鬆挑機!?》

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→