係回憶啊哈利！《高達》系列Halo造型人工智能機械人接受預售！ 精選 推薦

哈囉！唔係我同大家打招呼，而係好多人嘅回憶中嘅Halo同大家打招呼，係一個識同大家講野嘅Halo！
《高達》係一套日本非常受歡迎嘅動漫之一，而其中嘅Halo更係好多《高達》都非常鐘意嘅角色，我相信好多人都好想試下同佢傾下計，而今次大家有福了！最近Bandai嘅旗下嘅網店Permium Bandai到，預告左Halo造型人工智能對話機械人將會係2018年7月尾開始接受預訂，而佢嘅售價要149,040日圓（連稅）。呢個Halo係由Bandai嘅「BN・Bot PROJECT」第一彈商品。
Halo係從《機動戰士GUNDAM》開始嘅高達系列作品中出現嘅架空寵物用機器人，係由大河原邦男設計，而呢個Halo造型人工智能對話機械人將會模仿返動畫入面嘅佢，而且仲收錄左大量元祖《高達》中嘅名台詞，由新井里美配音，一定非常原汁原味。同Halo講野嘅時候，佢仲可以左右搖擺，仲不會反轉。佢亦都會自動偵測說話對象嘅位置進行轉向，唔怕佢會面向第二度同你講野。
而且佢仲可以按喜好切換成打開手腳嘅造型。而佢內置有WIFI、藍牙，可以連接落手機嘅鬧鐘功能。Halo的眼同嘴都有顏色LED燈，可以還原動畫中講野時嘅閃燈效果。