比卡超迷勿錯過!!比卡超玩具發聲機械人8月4日發售!!

編輯新漁民 於 05/06/2018 發表 收藏文章
鍾意比卡超嘅你,如果早前公佈嘅《Pokemon Let's GO!比卡超 / 伊貝》滿足唔到你,我諗黎緊推出嘅比卡超玩具發聲機械人一定可以滿足到你對比卡超嘅愛!!
呢隻由日本公司TAKARA TOMY推出嘅比卡超玩具發聲機械人「你好HelloPika」,將會係8月4日係日本開始發售,期後更加會係韓國、中國、香港、台灣、新加坡、馬來西亞、泰國等地陸續發售,而佢嘅未連稅售價為 2,990 円(大約HKD$209),佢係模仿真正嘅比卡超製造嘅,成隻比卡超大細為 75 (W) x 115 (D) x 45 (H) mm,大約得成隻手掌咁大,淨係望都覺得好得意。
只要向著 HelloPika 講野,佢就會偵測到聲音嘅方向後,轉個頭望著你同作出反應,佢可以配合你嘅指令,作出大笑、點頭、搖頭、面珠發光、睡覺、唱歌、用十萬伏特等等嘅反應。佢除左識聽日文之外,仲識聽英文、中文、韓文、泰文等多種語言,完全唔怕佢聽唔明你講咩。最重要嘅係,HelloPika 嘅台詞係由比卡超專屬聲優大谷育江配音,你會感覺到好似真嘅比卡超回應你。
呢隻比卡超玩具發聲機械人「你好HelloPika」咁得意,而且身上設有一條縫隙,可以扣係大家嘅袋到帶出街玩,見到咁得意真係好想佢快啲出!!

留言


請按此登錄後留言。未成為會員? 立即註冊
    快捷鍵:←
    快捷鍵:→