最新消息!!《黑寡婦》終於推出最新個人電影?而且仲落重本?

編輯新漁民於 25/05/2018 發表 收藏文章
漫威電影已經出左十年,最近嘅《復仇者聯盟3:無限之戰》(Avengers: Infinity War)更加滿足到各位漫威迷,係戲入面嘅唔同嘅主要角色例如Iron Man、美國隊長、雷神、黑豹等都有出屬於自己嘅獨立電影,每套戲都會吸引唔少漫威迷入戲院睇。有無人發現當中有個角色不斷穿插係唔同電影,但偏偏無一套屬於自己嘅獨立電影?無錯就係《黑寡婦》!!
今次黑寡婦終於可以拎正旗做一次主角,而且今次迪士尼終於來真!除左確認《黑寡婦》編劇會由 Jac Schaeffer 擔任,仲搵嚟 Maria Djurkovic 擔任美術指導,呢位美指來頭唔細,Maria Djurkovic 曾經以 2011 年嘅電影《諜影行動》(Tinker Tailor Soldier Spy)獲得英國獨立電影獎嘅最佳技術獎同歐洲電影獎嘅最佳製作設計獎,同時你絕對睇過好多由她擔任美術指導嘅電影,包含《模仿遊戲》、《紅雀》、《媽媽咪呀!》、《時時刻刻》等多部知名電影。
《黑寡婦》計劃係2019年初開機拍攝。有傳部 Scarlett Johansson 係呢部電影嘅片酬有機會晉升到 2500 萬美元,呢個價格將會令Scarlett Johansson成為荷里活最高片酬嘅女星,如果《黑寡婦》全球票房超過 9 億美元,Scarlett Johansson 將會獲得額外嘅600 萬美元分成,姐係話 Scarlett Johansson 最多可能獲得 3100 萬美元收入。
係漫威電影宇宙的初代復仇者中,我們終於可以迎接《黑寡婦》角色電影。《黑寡婦》電影檔期雖然仲未正式公佈,外界猜測大概會係2020 年 7 月或 11 月上畫。
《吳安儀輕鬆挑機!?》

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→