最強喇叭Apple HomePod維修費極高、居然慢慢破壞緊你啲傢俬?

數碼情報站 於 19/02/2018 發表 收藏文章
Apple Homepod早兩個禮拜已經喺美國出咗,相信唔少信徒已經入手咗。不過如果你唔係信徒就要諗清楚,首先Homepod係未有行貨,食炒價就在所難免,雖然Homepod屬於全球保固,但要整都係要寄返美國!之前已經有外媒講過Homepod幾乎係無得整、拆唔開,所以官方維修價一啲都唔平,全新Homepod賣US$349,維修價US$279。


另外最近有外媒指Homepod放喺油面或者蠟面嘅木製家具上面,放一陣就會出現一個白色圈,過幾日就會慢慢消失。Apple就回應指係因為所有啲矽膠底嘅喇叭,只要放喺油面或者蠟面就會留低一個"溫和嘅標記",只係同處理過嘅木材嘅化學作用引起,希望用家唔用將Homepod放喺油面或者蠟面上面。

留言


請按此登錄後留言。未成為會員? 立即註冊
    快捷鍵:←
    快捷鍵:→