製作公司爆料《巫師》傑洛特 參戰其他遊戲?

3iGAME於 12/03/2018 發表 收藏文章
最近幾年被稱為神級嘅動作遊戲《巫師》,無論畫面及劇情同樣精彩,而主角傑洛特亦正亦邪,我行我素嘅感覺,加上一身好本領,令到唔少朋友都對佢鍾愛有加。而《巫師》製作公司CD Projekt Red 嘅社交媒體主任Marcin Momot就喺Twitter 問大家,如果傑洛特行出《巫師》,大家點睇?


以Marcin Momot所言,傑洛特將會參戰今年稍後推出嘅遊戲,以傑洛特嘅雙劍,半寫實半魔法嘅感覺同風格,有唔少人都估傑洛特將會參戰今年推出嘅《Soul Calibur 6》,而《Soul Calibur 6》製作團隊之前亦同日本傳媒提過將會同某知名系列作品做Crossover,咁似乎成件事都非常合情合理。


《Soul Calibur 6》雖然係來自日本Bandai Namco 嘅作品,但自從第二集開始就開始同唔同公司嘅作品Crossover,加入其他遊戲嘅角色,而角色亦無地區限制,曾經出現過嘅系列包括:《薩爾達傳說》、《Spawn》、《星球大戰》、《戰神》和《刺客教條》等等,以過往合作的級數,傑洛特參戰嘅消息嘅可能性亦非常大。

轉載自3iGAME
《吳安儀輕鬆挑機!?》

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→