【良心企業】Microsoft 開發 「無障礙手掣」

3iGAME 於 16/05/2018 發表 收藏文章
好多人打機都係求開心,亦會覺得打到機呢件事係好簡單,理所當然 ;但其實世界上面有好多人都唔似大家咁幸運,亦有好多朋友身體有殘障,令到佢地連一D最基本嘅娛樂都無法享受。

Mircosoft 最近公開左一個佢地研發嘅新手掣,比到身體上有唔同問題嘅朋友都可以玩到遊戲。,現時流傳嘅設計圖中,遊戲手掣設計上同我地用開嘅手製有非常大分別,手握位置以舊式遊戲手掣嘅扁平式設計,而且有兩個巨型按鍵代替平時大家嘅按鍵,更有傳話會有一定Marco ,比部份玩家可以更容易輸入指令,有關呢個手掣嘅推出時間又或者詳情,相信喺今年E3會有更多消息。


不過上面所講嘅野都只係傳聞,亦有人會話:「咁我拎呢個掣出去同人打一定贏啦!」又或者會話「咁有咩好玩啫!」,不過當你諗諗如果有人從來都未試過享受遊戲,又或者因為意外令到佢地唔可以再打機,呢項發明真係可以幫到佢地好多好多;如果你身為正常人為左要贏,所以去用一d專為殘障朋友又設嘅手掣,我諗就算你贏左都唔好同人講,因為為左贏而無所不用其極,件事真係好羞家。

留言


請按此登錄後留言。未成為會員? 立即註冊
    快捷鍵:←
    快捷鍵:→